Wen meer as R60 000 se pryse, staan die kans om op TV te wees én ruk jou lyf reg wanneer jy deel word van ons 12 weke-troufiksheidsuitdaging, wat ontwerp is vir almal wat hierdie jaar ’n troue moet bywoon!
Is jy ’n bruid, strooimeisie, bruid se ma of net ’n vriendin wat vanjaar ’n troue moet bywoon?
Wil jy jou gesondheid verbeter en van daai ekstra rolle ontslae raak voor die groot dag, met die hulp van ons internasionaal-gekwalifiseerde persoonlike afrigter, Lizette van Rensburg?
Het jy ’n storie om te vertel en wil jy graag op die kassie kuier saam met Sandra, van Style Challenge International, as die wenner van hierdie uitdaging?
Wil jy pryse ter waarde van R60 000 wen?
Dan is hierdie kompetisie vir JOU!
Word deel van ons 12 weke aanlyn-fiksheidsuitdaging vir slegs R1 000!
Elke deelnemer sal die volgende ontvang:
- 12 weke se aanlynbystand van ons internasionaal-gekwalifiseerde persoonlike afrigter, Lizette van Rensburg;
- ’n Eetplan wat by enige leefstyl sal pas; en
- ’n Oefenprogram.
Die waarde hiervan is reeds R3 000!
Hoe om te WEN?
Die ALGEHELE WENNER sal deur Lizette van Rensburg gekies word, gebaseer op die beste transformasie en konsekwentheid.
So probeer jou bes, wees konsekwent en staan ’n kans om wonderlike pryse te WEN én op televisie te verskyn saam met @styleinternational.
Die WENNER ontvang pryse ter waarde van meer as R60 000!
Lizette van Rensburg
Aanlyn-afrigting en -bystand tot en met die groot dag, eet- en JSSA-bandjies, ter waarde van R23 000;
Style Challenge International
Stylkonsultasie en oormaaksessie (hare, grimering en klerekas) & verskyn op die televisieprogram om jou storie te deel, ter waarde van R25 000;
Troukoors
Tydskrifgeskenkpak, ter waarde van R400;
My Bruidsboek
Boek, ter waarde van R315;
The Anchorage Vaaldam
Een aand se verblyf vir 4 mense, ter waarde van R2 000;
One Off Design
2x Wit handdoeke en ’n boersepie, ter waarde van R600;
Janine Ueckermann
Skoonheidsgeskenkbewys, ter waarde van R2 000;
Skinny Tan
Geskenkpak, ter waarde van R1 000;
Reez Beauty and Brow Bar
Stel wimpers en henna, ter waarde van R700;
Ivohealth
Sunstar Gum-geskenkpak, ter waarde van R750;
Age Well
Age Well-geskenkpak, ter waarde van R3 000;
Mad Muscle Supplements
Aanvullings, ter waarde van R800;
Heidi Heart Photography
1 uur fotosessie, ter waarde van R1 500;
@Andre Du Toit
Fotosessie, ter waarde van R1 500; en
Mugg and Bean
Geskenkbewys, ter waarde van R300.
HOE OM IN TE SKRYF?
Inskrwings open op 2 Maart 2020.
Inskrywings sluit om middernag op 27 Maart 2020.
Die 12 weke uitdaging begin op 1 April 2020.
Die wenner sal aan die begin van Junie of Julie deur Lizette van Rensburg aangekondig word.
Inskrywings vir die 12 weke uitdaging beloop R1 000 per persoon.
Bankbesonderhede:
Troukoors Pty Ltd
Rek: 118 075 8293 (tjekrekening)
Tak: 189 137
Verwysing: Naam/ Van en selfoonnommer
E-pos dan die volgende na info@bpwpprebuild.co.za
– Naam en van;
– Selfoonnommer;
– RE: Fiksheidsuitdaging; en
– Bewys van betaling.
Sodra ons die bogenoemde ontvang het, sal ons jou inskrywing aan Lizette van Rensburg oorhandig, sodat jy betyds met die 12 weke uitdaging kan begin!
Baie sterkte!
Troukoors en Lizette van Rensburg
Projekbestuur: @tldcmarketing @ninyavanzyl
Deur in te skryf vir die kompetisie, bevestig jy dat jy die terme en voorwaardes gelees en verstaan het.
Terme en voorwaardes van die kompetisie
Deur in te skryf vir die kompetisie, stem jy in tot die volgende terme en voorwaardes…
1. Die kompetisie vind plaas vanaf die datums soos gespesifiseer, maar tye kan verander sonder kennisgewing.
2. Dit is jou verantwoordelikheid om seker te maak dat ons jou inskrywingsvorm en betaling ontvang op of voor die laaste dag van die kompetisie (indien die vorm vereis word).
3. Vir die doel van hierdie kompetisie, bevestig jy dat jou naam, kontakbesonderhede en Suid-Afrikaanse identiteitsnommer korrek deurgegee is.
4. Inskrywings word per e-pos gedoen.
5. Inskrywings berus op die volgende reëls:
a. Jy is ouer as 18;
b. Jy is ’n Suid-Afrikaanse burger en in besit van ’n wettige identiteitsdokument;
c. Jou volledige inligting is op die e-pos verskaf, soos versoek.
d. Jy is nie ’n direkteur, lid, vennoot, eggenoot, werknemer, agent of konsultant van enige
van die mediavennote of borge nie.
e. Jy het die inskrywingsvereistes gevolg, soos op sosialemedia verskaf, en jou bewys van
betaling en inligting na die korrekte persoon gestuur per e-pos.
6. Deur in te skryf vir die kompetisie, erken jy dat jy ’n kans staan om pryse te wen, maar dat dit nie gewaarborg is nie – indien enige borg besluit om ’n prys te onttrek, val dit weg en sal dit nie vervang word deur kontant of ’n ander prys nie.
7. Pryse kan nie omgeruil word vir ander produkte, dienste, kontant of krediet nie. Indien jy een van die pryse nie wil hê nie, word dit verbeur en kan dit nie oorgedra word aan ’n derde party nie.
8. Dit is die wenner se verantwoordelikheid om die borge in kennis te stel indien pryse nie binne ’n maand ontvang is nie. Indien dit nie aangemeld word nie, kan die prys verval.
9. Die wenner sal deur Lizette van Rensburg gekies en binne ’n redelike tyd in kennis gestel word. Indien die wenner nie binne twee weke na die aankondiging bereik kan word nie, behou die organiseerders die reg om ’n nuwe wenner aan te wys.
10. Dit is die wenner se verantwoordelikheid om seker te maak dat haar inligting of die inskrywingsvorm/ e-poskorrespondensie korrek is.
11. Die beoordelaars se besluit is finaal en geen verdere korrespondensie sal hieroor gevoer word nie.
12. Al die pryse gaan aan een wenner, soos wat dit in die advertensie uiteengesit is.
13. Alhoewel daar moeite gedoen is om te verseker dat pryse van ’n hoë gehalte is, kan die organiseerders nie waarborg dat die wenner tevrede sal wees nie. Deelnemers onderneem dus om pryse te aanvaar “soos dit is”. Soos deur die wet gestipuleer, word die organiseerders ook gevrywaar van enige skade wat die wenner mag ly as gevolg van pryse of die kompetisie.
14. Die borge van die pryse, sal direk met wenners kontak maak oor die pryse en hoe dit afgelewer sal word. Pryse sal per koerier gestuur word (indien van toepassing). Kontak asb. die borge direk. Die organiseerders van die kompetisie kan nie namens jou korrespondensie oor pryse behartig nie.
15. Pryse en die aflewering daarvan mag beïnvloed word deur omstandighede buite die borg se beheer. Borge kan dus nie verantwoordelik gehou word vir verliese of vertragings wat veroorsaak word deur faktore soos te min personeel, kragonderbrekings, internetprobleme, GSM-netwerkverbindings, materiaal of verskaffers, natuurrampe, oorlog, burgerlike versteuring, onluste, noodtoestande, staking, uitsluiting of ander arbeidsgeskille, brande, oorstroming, droogte of wetgewing, nie.
16. Alle pryse is ook onderhewig aan elke borg se eie reëls en regulasies en TROUKOORS kan geen verantwoordelikheid hiervoor aanvaar nie.
17. TROUKOORS behou die reg om op enige tydstip borge of pryse te verander of te kanselleer, sonder om die deelnemers afsonderlik daarvan in kennis te stel.
18. Die organiseerders behou die reg om te enige tyd, die kompetisie te kanselleer of te wysig, indien daar nie genoeg reaksie is nie, of vir enige ander rede. Dit hoef nie op sosiale media aangekondig te word nie. Die deelnemers ontvang steeds hul dieet en oefenprogram van Lizette en kan dus nie hul geld terugeis nie, aangesien die pakket en die kompetisie apart is van mekaar.
19. Enige dame kan inskryf vir die kompetisie (bruid, ma van die bruid, skoonma, strooimeisie, vriendin, familie en/ of gaste).
20. Die kompetisie is slegs geldig vir deelnemers in Gauteng en omliggende areas.
21. As deelnemer aan hierdie kompetisie, sal jy vereis word om voor- en na-foto’s aan die beoordelaars te stuur. Dit vorm deel van jou inskrywing en sal in ag geneem word in die finale beoordelingsproses.
22. Hierdie kompetisie is gebaseer op ’n 12 weke aanlyn-uitdaging, wat bestuur en beoordeel word deur by Lizette van Rensburg, ’n opgeleide persoonlike afrigter. Sodra jou bewys van betaling deurgegee is, word dit aan Lizette van Rensburg oorhandig, wat die proses dan verder sal neem. Jy sal vereis word om jou voor- en na-foto, gewig en mates in te stuur as deel van die kompetisie. Lizette Van Rensburg sal self die wenner kies, gebaseer of die beste transformasie en konsekwentheid deur die loop van die uitdaging. TROUKOORS is dus net ’n bemarker vir die kompetisie en nie ’n beoordelaar nie.
23. Lizette Van Rensburg sal die nodige dokumente, oefen- en eetplanne verskaf voordat die uitdaging begin. Sodra bewys van betaling ontvang is, sal jy alles wat nodig is binne 21-dae ontvang. Dit is die deelnemer se verantwoordelikheid om seker te maak dat inskrywings en inligting aan Lizette Van Rensburg verskaf word en Lizette Van Rensburg en TROUKOORS kan nie hiervoor verantwoordelik gehou word nie. Indien jy laat inskryf, kan jy steeds aan die 12 weke-uitdaging deelneem, aangesien een kalendermaand toegeken word aan sulke inskrywings.
24. Lizette Van Rensburg, die internasionaal-gekwalifiseerde persoonlike afrigter, tree as aanlyn-afrigter op, maar kan onder geen omstandighede gewigsverlies, die verloor van sentimeters of gesondheidsvoordele waarborg nie. As jy swanger is of aan enige mediese toestande ly, stel ons voor dat jy jou geneesheer kontak voordat jy inskryf.
25. Die wenner gee vir TROUKOORS, die borge en bemarkers volle en eksklusiewe reg om voor, tydens en na die kompetisie foto’s en besonderhede op sosiale media te plaas vir bemarkingsdoeleindes. Die wenner mag geen plasings op sosiale media maak, voor dit nie deur TROUKOORS gepubliseer word nie.
26. Die wenner stem in om op televisie te verskyn en die nodige transformasiesessie (makeover) te ondergaan vir media- en televisiedoeleindes. Regsaksie kan geneem word indien die wenner weier om op televisie te verskyn.
27. Die wenner stem in dat haar naam, foto’s en ligging vir publisiteitsdoeleindes, gedurende en na die afloop van die kompetisie, gebruik kan word – asook vir bemarkings- en enige ander doeleindes in die toekoms, sonder die toestemming van die wenner.
28. Jy (die deelnemer) bevestig dat die organiseerders jou voor- en na-foto’s mag gebruik as deel van die kompetisie en die bemarking daarvan (voor en na die afloop van die kompetisie).
29. Jy (die deelnemer) bevestig met die betaal van die inskrywingsfooi dat jy die terme en voorwaardes gelees en verstaan het.
30. Die inskrywingsfooi is nie terugbetaalbaar nie en kan nie omgeruil word vir kontant of krediet nie.
31. Deur in te skryf vir die kompetisie, stem jy in dat jou kontakbesonderhede aan die borge verskaf kan word en dat hulle jou kan e-pos, sms of skakel met spesiale aanbiedinge waarin jy moontlik sal belangstel.
