Verlowingsfoto’s is ’n gewilde tendens onder paartjies. Vandag deel ons ’n pragtige fotosessie deur Corene Photography en A&E Wedding & Function Decor wat in die veld afgeneem is.
Verlowingsfoto’s is regtig ’n goeie proeflopie vir die ware jakob en kan baie nuttig wees. Oorweeg dit gerus! Vir trou-inspirasie voordat julle die knoop deurhaak, koop dit nuutste uitgawe van TROUKOORS, wat nou op die rak is, of kliek hier!
————————————————————————————-
Gerdré en Marisa het op die dansvloer in Bloemfontein ontmoet, nadat Marisa teruggekeer het van ’n jaar in Europa. Gerdré het dadelik geweet dat sy die meisie van sy drome is… en het op die ou einde haar hart gewen. Hulle wou graag verlowingsfoto’s laat neem voor hulle troudag en was mal oor die veldtema waarop daar besluit is.
DIE FOTOGRAAF VERKLAP…
WAT WAS DIE TEMA VAN DIE VERLOWINGSFOTO’S?
“Daar was nie ’n spesefike tema nie. Ek het Ourief voorgestel en Marisa was dadelik mal oor die oop veld. Ons het besluit om ’n klein tafeltjie te dek om die romantiese gevoel te skep. Marisa het self die koek gebak en ’n sagte pienk rok gekies om die kleure van die veld te komplementeer.”
WAT WAS DIE LEKKERSTE DEEL DAARVAN OM HIERDIE VERLOWINGSFOTO’S TE NEEM?
“Dit is ongelooflik lekker om ’n paartjie af te neem wat so baie passie en respek het vir mekaar. Marisa en Gerdré is gemaklik voor die kamera en hulle werk mooi saam as ’n span.”
HOEKOM IS VERLOWINGSFOTO’S ’N GOEIE IDEE?
“Verlowingsfoto’s is altyd ’n goeie idee want jy leer jou fotograaf ken. Dis belangrik om gemaklik met mekaar te wees op jou troudag en jy kan natuurlik die foto’s gebruik vir ’n gasteboek of dit deel maak van jou uitnodigings of dankiekaartjies.”
WATTER ASPEK VAN JOU WERK GENIET JY DIE MEESTE?
“Om die spesiale oomblikke tussen mense vas te vang. Dit is so ’n lekker en trotse gevoel as jy vir mense hulle foto’s gee en jy sien hoe blink hulle oë van geluk en opwinding. Ek leer so baie mense ken en ek is mal oor al die liefdesverhale!”
DIE PAARTJIE SÊ…
HOEKOM HET JULLE BESLUIT OM VERLOWINGSFOTO’S TE LAAT NEEM?
“Dit is vir ons belangrik om elke deel van die beplanning te geniet en te onthou. Foto’s is die perfekte manier om terug te kan kyk na ’n gebeurtenis in jou lewe wat vir jou belangrik was. Om verloof te wees is ’n opwindende reis en ons wou dit graag vasvang. Ons het na ’n paar fotograwe se werk gekyk en nadat ons op Coréne se blad afgekom het, was dit regtig nie ’n moeilike keuse nie. Haar styl is skoon, tydloos en natuurlik. Sy is ook ’n baie kreatiewe en aangename mens wat self inisiatief neem. Dit is lekker om met sulke verskaffers te werk.”
WATTER EIENSKAPPE WAARDEER JULLE VAN MEKAAR?
Marisa: “Gerdré se hart is die opregste wat ek ken. Ek is soms ’n kruidjie-roer-my-nie, en hy het ’n baie kalmerende effek op my. Gerdré het ’n groot liefde vir sy familie en vriende en dit is regtig vir my mooi om te sien hoe hy altyd almal om hom met liefde en respek hanteer. Hy het ’n goeie toekomsvisie en is vasberade in alles wat hy aanpak.”
Gerdré: “Marisa is sprankelend en helder ’n slegte dag sommer vinnig op. Sy is liefdevol en huiwer nooit om iets vir iemand te doen nie, al is dit ’n vreemdeling. Marisa heg baie waarde aan die klein dinge in die lewe en vind vreugde in ander se geluk. Sy is ’n sterk vrou en baie hardwerkend. Haar liefde vir die natuur is iets wat ons deel en dit sorg vir groot avonture en goeie herinneringe. Haar mooi hart het van die begin af ’n indruk op my gemaak.”
DIENSVERSKAFFERS:
Venue: Ourief Wedding & Function Venue
Dekor: A&E Wedding & Function Decor
Foto’s: Corene Photography
Hare en grimering: Natalia Taljaard van Infinity Hair Salon
Kliek hier vir Dekor, Drapering
& Verhuring…
ARTICA DESIGNS- GAUTENG
WEBBLAD ♥ FACEBOOK
BELLA FIORE – GAUTENG
WEBBLAD ♥ FACEBOOK
FF DECOR – GAUTENG
WEBBLAD ♥ FACEBOOK
HAND CREATIONS – VINTAGE DECOR HIRE – GAUTENG
WEBBLAD ♥ FACEBOOK
HELLO BIRD ONLINE SHOP – LANDSWYD
WEBBLAD ♥ FACEBOOK
RENTALS VILLAGE
WEBBLAD ♥ FACEBOOK