Windpompe was die dekor-item waarom alles gedraai het op Francois en Mari se troue. Dit simboliseer vir hulle God se genade. Pastelkleure en hout het alles mooi afgerond.
Hulle troudag was ʼn regte skop-jou-skoene-uit-en-loop-op-die-gras dag saam met familie. Mari het vir ons hierdie oulike gedig aanmekaar gesit om ons te vertel hoe hulle ontmoet het.
HOE ONS ONTMOET HET…
“Teen September 2011 was Francois reg vir iemand spesiaals in sy lewe,
min het hy geweet Mari staan reg om sy knieë te laat bewe.
Minwetende daardie spesiale iemand,
raak dalk eendag nog Mev. Niemand!
Mari, heel duidelik gevlei deur sy aandag,
besluit om hom in Desember te kontak, laat een Maandag.
Vir sy geduld word hy toe beloon met ʼn trou vrou,
wie sou kon dink dit het als begin met ʼn “ek hou van jou….”
In Februarie 2012 vra hy haar uit!
Skaars ʼn jaar later op 29 Maart 2013 vra Francois vir Mari “Wees asseblief my bruid?”
Die troudatum is spesifiek op 29 Maart 2014 gekies, sodat Francois nie die datum sal vergeet nie…
en Mari nie nodig het om hom anders te oorreed nie.
Die perfekte deksel vir elk se pot is gekry, nou kan hul saam in die sonsondergang na hul honeymoon ry.”
’N DAG VOL VERRASSINGS
Wat die dag ekstra spesiaal gemaak het was die verrassings wat hulle vir mekaar gehad het.
“Engel, vandat ek ʼn klein dogtertjie was droom ek van my ridder op ʼn wit perd toe stuur ons Hemelse Vader vir my ʼn ridder in ʼn wit bakkie. Jy het my hart gesteel en daarom steel ek vandag jou van. Jy’s my alles vir altyd. Lief jou.” Was die woorde wat Mari vir Francois gespeel het voordat sy die paadjie afgeloop het.
Binne in mekaar se ringe was daar ook boodskappe gegraveer en Francois het vir haar ʼn gedig geskryf en gelees met die onthaal.
WAT HET AGTER DIE SKERMS VAN HIERDIE DOEN-DIT SELF TROUE GEBEUR?
“As dit nie vir my ma se geduld en kreatiewe kant was nie, het ons seker nie so ʼn perfekte sprokie dag gehad nie. Ek is ʼn Graad 2-juffrou so het nie altyd by al die fyn detail en spoeg en plak goedjies uitgekom nie. Ons families en vriende het hul talente ingespan en saam gestaan.”
DOEN-DIT-SELF IDEES WAARVAN ONS GEHOU HET
- Malva-poeding in bottels met ʼn houtlepeljie by.
- Gaste het boodskappe op houtborde geskryf wat nou dien as onderborde vir tafeldek.
- Die plaas-sjiek gastegeskenkies: Droëwors vir die mans en blikbeker-laterns met die woorde: “Mag die liefde soos lig in jou lewe skyn” op vir die dames. (Baie handig met ons huidige Eskom situasie)
MARI SE RAAD VIR TOEKOMSTIGE BRUIDE
- Kry alles op skrif. ’n Mens kan so maklik met iemand by verskaffer praat en reëlings tref en as jy oor ʼn paar weke na hul toe teruggaan dan werk daai persoon nie meer daar nie en al jou reëlings val deur die mat.
- Moenie buite jou begroting droom nie. Dit veroorsaak net ongeluk!
- Gee jouself genoeg “ek-tyd”. Onthou ook dat nes jy, jou liefie ook gestres is so gee bietjie ekstra aandag om hom te verseker dat jul dag oor julle twee en God gaan en al loop iets skeef sal dit nog steeds ʼn wonderlike dag wees want jy word sy vrou!
DIENSVERSKAFFERS
Venue: Seremonie by Mentorskraal en onthaal by The Rose Barn
Spyseniering: Aqua Food & Catering
Drankies: The Rose Barn en Alida Niemand
Dekor: The Rose Barn en Elsa Grobbelaar
Blomme: Elsa Grobbelaar
Skryfbehoeftes: Neels Grobbelaar met bewoording deur Amoré Janse van Rensburg
Troukoek: Sarie Truter van Makieties Koeke en Partytjies; 082 874 4809
Foto’s: After Effect Photography en Photobooth deur Booth
Trourok: Sonia van Zyl
Hare: Jean van Trendz
Grimering: Tarryn Make-up Artist
Artikel: Yolande van Deventer
