Monte de Dios laat jou dadelik terugdink aan jou gunstelingsprokiesverhaal as kind. Met die Bronberg en pragtige perde in die agtergrond, is dit die perfekte plek vir ʼn sprokiesverhaal troue.
Alesia van Achterbergh, koördineerder en beplanner, vertel ons presies wat Monte de Dios aan jou kan bied. Dit is alles wat jy wil hê vir ʼn sprokiesverhaal troue, die mooiste uitsigte, perde, binne- en buite-areas en kos na jou smaak.
WATTER TIPE STYL BIED JULLE VENUE AAN TOEKOMSTIGE BRUIDSPARE?
“Monte De Dios, ʼn pragtige Spaanse Ruitersvenue, is geleë in Pretoria-Oos met die skilderagtige Bronberg as agtergrond. Ons het ook perdestalle met die pragtigste perde by die venue wat bruide ook die geleentheid gee om foto’s saam met die perde te neem op hulle troudag.”
HOE VERSKIL DIE EFFEK EN ATMOSFEER WAT JULLE SKEP VAN WINTER NA SOMER?
“Ons styl bly regdeur die jaar dieselfde, ons direkte omgewing verander wel van somer na winter. Ons vallei en venue self is in die somer grasgroen met blomme van alle kleure en geure wat orals in foto’s verskyn regdeur die somer maande. In die winter, omrede die koue, het die vallei en die venue minder blomme beskikbaar. Alhoewel Monte De Dios selfs in die winter steeds ʼn asemrowende mooi uitsig het met die Bronberg en die perde in die agtergrond.”
WAT IS MONTE DE DIOS SE OPSET TEN OPSIGTE VAN DIE KAPEL EN ONTHAAL AREA?
“Monte De Dios bied verskillende buite- en binne-areas aan vir beide die kapel, sowel as die onthaal areas. Monte De Dios bied twee opsies vir die kapel aan. ʼn Binne en buite kapel area. Monte De Dios het ook vyf verskillende opsies vir die onthaalarea, hierdie areas sluit binne en buite areas in. Die bruidspaar besluit self watter lokaal hulle verkies vir hulle groot dag.”
WAT SLUIT JULLE PAKKETTE IN?
“Ons het geen vasgestelde pakkette nie, ons glo daarin dat ons bruide die keuse moet hê van wat hulle graag wil hê op hulle groot dag. Ons kapel areas het almal ʼn vasgestelde prys, die onthaal areas verskil na gelang van die venue keuse wat hulle gemaak het. Die bruidspaar kies hulle eie spyskaarte, buffet of vir hulle opgedien. Ons sjef werk dan die prys vir die bruidspaar uit en is ook meer as gewillig om hulle te help met hulle keuses en koste besparing indien nodig.”
Ons sluit wel by lokaalhuur die volgende in vir die paartjie:
• Ronde of vierkantige tafels of hout tafels
• Wimbledon of Ghost Chairs
• Wit tafeldoeke
• Wit/swart lapservette
• Silwer/Goue Onderborde
• Koektafel
• Registrasietafel
• Ons verskaf ook die basiese klanktoerusting
Soos bo genoem kan bruidspare dan ook fotos saam die perde neem op hulle troudag teen ʼn minimale fooi.
HOEKOM SAL JULLE SÊ IS JULLE VENUE SO UNIEK?
“Monte De Dios is ideaal vir troues, spesiale geleenthede en konferensies en bied ʼn verskeidenheid veelsydige binnenshuise en buite-onthaalareas aan met lieflike uitsigte. Omdat elke geleentheid uniek is, bied ons doelgemaakte pakkette wat in elke voorkeur en begroting sal pas. Weelderige geriewe, professionele diens asook keurige spyseniering en toegewyde, vriendelike personeel beslis Monte De Dios as die unieke venue vir jou droomdag.”
Monte de Dios kan virseker vir jou werk as jy opsoek is na ʼn plek vir jou sprokiestroue. Met so groot verskeidenheid opsies om van te kies en te keur kan dit nie anders as om jou ideale troupakket bymekaar te sit nie. Maak sommer vandag jou droom as kind, om soos ʼn prinses te voel op jou troudag waar!
Artikel: An-Sophie Jonker
Foto: Verskaf
