Kersgeskenkkaartjies is die perfekte manier om jou mooi toegedraaide Kersgeskenke af te rond. Gee hierdie Kersfees unieke kaartjies vir vriende en familie wat selfs die kwaaiste skoonma se hart sal laat smelt. Laai hierdie ontwerpe, deur GreenRoots Design & Art Studio gratis af.
Dit is julle eerste Kersfees as man en vrou en jy is jy moeg om elke jaar dieselfde ou Kersgeskenkkaartjies te gebruik wat jy op die winkelrak kry. Julle wil graag iets meer persoonlik en uniek gebruik om julle naastes se geskenke mee te verfraai. Dan sal julle beslis mal wees oor hierdie gratis aflaaibare Kersgeskenkkaartjies wat GreenRoots Design & Art Studio spesiaal vir hierdie doel ontwerp het. Druk julle persoonlike stempel op Kersfees af met hierdie pragtige opsies.
* Kies hierdie eenvoudig Geseënde Feestyd-opsies vir ’n stylvolle aanslag. Dit kan goed werk om jou skoonma of werkskollega se geskenk mee te versier.
* Voorspoedige 2017 is die ideale Kersgeskenkkaartjies vir diegene wat jy nie so goed ken nie. Miskien vir die persoon by die werk wie se naam jy getrek het vir Secret Santa of vir daai niggie wat jy eenkeer in ’n Skrikkeljaar sien.
* Die Ons Redder Het Gekom-opsie is die perfekte Kersgeskenkkaartjies as jy hou van ’n meer geestelike aanslag en ook ideaal vir Ouma en Oupa. Dis klassiek, stylvol en omvat beslis waaroor Kersfees eintlik gaan.
* Die Geseënde Kersfees-opsie is geskik vir die meeste gaste rondom jou Kerstafel – van jonk tot oud. Dit is stylvol, maar ook pret en informeel genoeg om Kersgeskenkkaartjies op kinders se geskenke te wees.
Kersfees het nie reëls nie. Dit is ’n kosbare tyd en die ideale geleentheid om vir jou geliefdes presies te wys hoe jy oor hulle voel. Verfraai hierdie Feestyd jou geskenke met hierdie unieke Kersgeskenkkaartjies wat jy gratis hier kan aflaai.
As jy opsoek is na unieke ontwerpe vir jou trouskryfbehoeftes en –toebehore, kontak gerus vir GreenRoots Design & Art Studio vir kreatiewe idees. Vir meer inligting of ’n kwotasie, stuur ’n e-pos na info@greenrootsdesign.co.za
