ʼn Bruiloffees met hope gees is al wat Janike en Stephan Carstens vir hulle troudag wou hê. Dit is presies ook wat dit was, ʼn groot kuier, feesviering en gaste met hope gees.
Dit was ʼn stresvrye bruiloffees met ʼn ongelooflike lekker gees vir die getroude paartjie. Hulle vertel hoe hulle dit reg gekry het.
HOE HET JULLE LIEFDESVERHAAL BEGIN?
“Ons het mekaar deur gemeenskaplike vriende ontmoet.”
WATTER KARAKTEREIENSKAPPE HET GEMAAK DAT JULLE VERLIEF RAAK OP MEKAAR?
“Ons kan onmiddellik met mekaar kommunikeer as iets verkeerd is en dit uitsorteer. Ons kan ook mekaar met alles vertrou en kom altwee uit goeie families uit.”
HOE HET HY JOU GEVRA OM TE TROU VOOR JULLE BRUILOFFEES?
“Hy het die ring in gesig lappies toegevou en bo-op geskryf, “jy gebruik dit elke dag.” Ek het die lappie oopgevou en toe die ring uitval, sak hy op sy een knie.”
VERTEL ONS MEER OOR DIE BEPLANNING VAN DIE BRUILOFFEES?
“Vermaak by die troue was vir ons baie belangrik, so ons het daarvoor gesorg en die troubeplanner het vir die res gesorg.”
WAT WAS DIE KLEURSKEMA?
“Ons het in die winter getrou, so ons wou warm kleure vir ons bruiloffees gebruik, meestal maroen en goud.”
WATTER ATMOSFEER WOU JULLE SKEP TYDENS JULLE BRUILOFFEES?
“Ons wou graag ʼn gevoel van warmte skep en ʼn vreugdevolle gees teenwoordig hê tussen die gaste. Ons grootste doel was dat ons gaste lekker sal kuier en dit was ook vir ons die lekkerste van die troue.”
BESKRYF JULLE TROUDAG?
“Van die begin tot die einde, was dit die perfekte dag vir ons. Die gaste was van die begin af lewendig en die gees was ongelooflik. Die dansvloer was nie een keer leeg nie. Ons het ook ʼn oop kroeg gehad, wat die bruiloffees net nog beter gemaak het.”
HET DAAR IETS AGTER DIE SKERMS GEBEUR?
“Ons het ʼn troubeplanner gehad wat alles vir ons gedoen het. My strooimeisies het my die hele dag bygestaan en op die hande gedra so daar was nie eers tyd om oor iets te stres nie. Dit was werklik ʼn ongelooflike dag.”
HET ENIGIETS SNAAKS OP JULLE TROUDAG GEBEUR?
“Ons het ʼn danskompetisie tussen al die mans gehad, wat groot vermaak verskaf het. Konfetti het oral op die vloer begin val tydens die dans.”
WATTER ADVIES HET JY VIR TOEKOMSTIGE BRUIDE?
“Neem elke oombik in, want die dag vlieg voor jou oë verby. Gaan staan vir ʼn oomblik stil en waardeer dit wat om jou aangaan.”
HET JULLE ENIGE SELFGEMAAKTE ITEMS OP DIE BRUILOFFEES GEHAD?
“Nee, ons het nie ʼn begroting gehad nie en kon werklik die troue van ons drome hê. Ons is baie dankbaar daarvoor.”
Janike en Stephan se wens het waar geword. Hulle gaste was vermaak en het die bruilofsfees met hope gees gevier. Hulle kon bekommernis vry die groot dag geniet, as gevolg van ʼn bekwame troubeplanner en ʼn gevolg wat hulle goed bygestaan het. Dit was voorwaar ʼn bruiloffees met gees!
DIENSVERSKAFFERS
Venue, koördineerder en drankies: Molenvliet Wine Estate
Spyseniering en troukoek: Pauleen
Bloemiste, dekor, verhurings en skryfbehoeftes: Blomstories
Fotograaf: Nikki Meyer Photography
Videograaf: Henroux
Musiek: DJ Spokie
Vermaak: Armand Steenkamp
Trourok: Kobus Dippenaar
Hare en grimering: Effraine van Heerden
Bruidegom se uitrusting: ZED menswear
Vervoer: Land Cruizer 200
Artikel: An-Sophie Lourens
